Uber司機阿強認為，Uber的抽佣制度不公平，令他轉投另一Call車APP。（江智騫攝）
打着「共乘」的旗號，Uber在3年前登陸香港，惟這幾年來都波折重重，除了遭政府大力打壓、警方展開大型拘捕行動外，最近還被通訊局裁定於電台播放廣告是違反《電台廣告守則》；雖然如此，但Uber仍在「共乘」的界別獨佔鰲頭，繼續其業務發展。
Uber攻港逾3年一直阻礙重重，最近亦被通訊局裁定違法宣傳。（江智騫攝）
Uber司機：Uber食水深
即使Uber面對政府的打擊「無畏無懼」，在Uber工作的司機又有何看法呢？ 阿強（化名）做了Uber司機差不多有5個月，由開初兼職到現時全職，他指基本上都可以有2萬元一個月：「我聽行家講以前比較好賺，依家可能去做售貨員仲多錢，因為以前只有一種單，司機又唔算多，依家就有分uberX和uberBLACK，啲客當然會選搭較便宜的，生意都分薄咗。」
但其實最令阿強感到難受的是Uber對司機的態度：「首先是現時抽25%佣，即是100元扣了25元，相對來講係多。而且，Uber個態度係顧客永遠是對的，顧客畀錢就係老闆，所以都唔會點理司機感受。」他舉例指，例如系統計錯距離或者乘客要求行另一條路，Uber卻會認定是司機「兜路」，司機就算跟Uber理論，都可能只獲回隧道費。
阿強在其他Uber司機的介紹下，認識了另一個電召汽車應用程式HKber。（江智騫攝）
Uber被指保障不足致司機跳船
「有啲行家試過本身可以收到200幾蚊車資，但因為行唔係系統指示嘅路而扣哂所有錢。」同時，Uber對司機的保障不足亦令阿強萌生退意：「以我所知，Uber只係提供律師，你被捕、被斷正，佢做嘅係提供律師同賠錢，即是替你被人罰款，其他就無喇，好似完全唔關心司機咁。」
阿強在其他Uber司機的介紹下，認識了另一個電召汽車應用程式HKber：「一聽到佢只係抽10%佣已經覺得好吸引，同埋佢個網站又講到好關心、好保障司機咁，所以決定兩邊都做下，賺多啲都好，我哋都有差唔多成百個司機申請咗做呢個新APP。」
Uber：系統會按最終路線收取車資
就阿強對Uber的不滿，Uber發言人回應表示，Uber 是採取即時定價。一般情況下，系統會按照預算的路線收取車資；如最終行車路線與預算不同，系統則會按最終路線收取車資。因此，無論行車時出現任何異常情況，司機亦可收取應有的車資。發言人續指，Uber app 最近增加了多個目的地的功能，包括最終目的地在內最多可以輸入 3 個停車點，而在推出此新功能前，曾作出多項測試。
HKber向《香港01》透露，他們將會在約3個月後推出服務，希望可以挑戰Uber現時壟斷「共乘汽車」的情形。（HKber網頁截圖）
HKber冀打破Uber壟斷局面
新APP HKber的運作又是如何呢？記者在其網站看到，HKber聲稱只會抽司機10%佣，支付的形式則採用銀行或香港支付寶過數；同時，其網站列明司機接載的是「共乘朋友」，未知是否藉此避過相關的法律責任。
HKber項目經理林先生向《香港01》透露，HKber是一個香港本土的程式，亦是打正旗號希望打破現時Uber壟斷的局面：「我哋見到近幾年市場嘅共享都唔算好共享，尤其call車呢方面，感覺大APP對司機唔太公平，好似大石砸死蟹咁，所以想畀司機多個選擇。」
問及如何保障司機、會否擔心違法等問題，林並未有正面回應，只着記者留意HKber網站，僅指現階段仍在籌備階段，不便透露太多，而現時招攬司機的情況理想，及預料程式將在約3個月後正式上線。面對新APP正面挑戰，Uber指不會回應；而運輸及房屋局則稱，出租汽車服務在使用新科技或新平台的同時必須合乎相關政策和法律，以保障乘客的利益及安全。
圖片：香港01
原文資料來源：