前財政司長曾俊華雖然選唔到特首，但休息一排後繼續出動「落區」，噚日佢就去搵提供點到點接載服務嘅社企「鑽的」度，學做「無障礙愛心司機」。
社企「鑽的」喺社交網站話，曾俊華著住司機風褸，扮演的士司機，學習輪椅上落嘅工序，佢嘗試自己控制遙控器同索帶，慢慢將「輪椅乘客」安置到的士中座位置。「鑽的」形容，曾俊華係「錢買不到的鑽的司機」，「很快上手，過程很順利，更細心地完成扣安全帶等程序，滿分！」之後曾俊華就調轉角色，扮演輪椅乘客，感受一下無障礙接載服務。
「鑽的」行政總裁梁淑儀就話，「鑽的」營運已踏入第7年，接載超過13萬次輪椅乘客，發現近年加入佢哋嘅司機中，唔少係「中年半退休」狀態，唔知曾俊華經過今次訓練，有無心思思諗住人生下半場做咩呢？
原文資料來源：
https://news.mingpao.com/ins/instantnews/web_tc/article/20170516/s00001/1494860870103