大家好，我係Eva。如果有留意開的士牌嘅朋友都應該知道，的士牌價喺上年2025年嘅表現確實唔係咁理想。以市區的士牌價為例，上年全年下跌咗大約兩成半以上。咁到底今年2026年頭一季嘅表現又係點呢？我哋今集就會同大家睇一睇有關嘅數據。無論你係車主又或者係準買家，都希望你可以藉住呢條片，掌握到最新嘅市況。如果未訂閱我哋頻道嘅朋友，記得訂閱，多謝支持。 2026年第一季的士牌價走勢 我哋可以先睇一睇今年2026年第一季嘅的士牌價走勢圖表。根據數據顯示，市區的士狀況比新界的士好，有回穩跡象。以市區的士牌價為例，由年頭216萬上升至3月尾219萬，上升咗3萬，升幅大約1.39%。至於新界的士牌價就繼續下跌，由年頭140萬下跌至3月尾137萬，下跌咗3萬，跌幅大約2.14%。 的士過戶數量的表現 咁至於的士過戶數量喺2026年第一季嘅表現，又會唔會好似的士牌價咁出現回穩，情況又理唔理想呢？我哋先睇一睇今年2026年頭一季運輸署嘅的士過戶數量。根據運輸署俾我哋嘅官方數字，以市區的士為例，喺2026年頭一季每月嘅過戶數量維持喺104至171宗。實際呢個數字比較起上