我哋香港的士交易所為咗保障買賣雙方嘅權益，特別設立咗一個「違約金」嘅機制，喺買賣雙方準備簽署買賣合約嘅同時，賣方將會提供一份自定金額嘅「違約金」暫存喺我哋代理方。

 

如果賣方最終未能夠喺合約嘅成交期內完成交易，又或者最終決定違約唔賣，賣方之前提供嘅「違約金」就會全數俾咗買方當作違約嘅賠償。

 

至於「違約金」係幾多，買方喺App內嘅售盤資料同埋買賣合約上面，都可以清楚知道嗰個的士售盤嘅賣方所提供嘅「違約金」金額，即係可以清楚知道如果賣方違約嘅時候，買方可以得到嘅賠償金額，咁買賣雙方就唔使再擔心萬一違約要追討對方賠償嘅煩惱。