大家好，我係Eva，啱啱踏入咗2026年，我哋香港的士交易所就襯呢個機會，同大家回顧一吓2025年的士牌價嘅走勢，再同大家展望一吓嚟緊2026年的士牌價嘅情況，無論你係車主又或者係準買家，都希望你可以藉住呢條片，掌握到最新嘅市況，如果未訂閱我哋頻道嘅朋友，記得訂閱，多謝支持。 2025年的士牌價嘅表現確實可以用五個字嚟形容，「低處未算低」，我哋就以本年度的士牌價嘅走勢圖嚟睇，牌價走勢嘅表現好唔理想，第二季尾段更加出現咗急跌嘅情況，我哋就睇返2025年的士牌價嘅走勢圖，市區的士牌價，由年頭285萬下跌至年尾216萬，全年下跌咗69萬，下跌咗24%，至於新界的士牌價，就由年頭205萬下跌至年尾140萬，全年下跌咗88萬，就大約下跌咗31.7%。如果以全年高低位波幅嚟睇，以市區的士為例，最高位係2月中287萬，最低位係6月中198萬，波幅大約31%。 其實的士牌價喺2025年繼續下跌，係受到多方面嘅因素影響，我哋先講一講的士生意嘅情況，根據運輸署嘅數據，按月劃分計算的平均每日公共交通乘客人次趨勢，2025年已經開始走出過去的低谷，有所回升。呢個可能同疫