對於最近有疑似非警務人員自行放蛇捉白牌車事件，林世雄就未有正面回應，但就表示市民對網約車有訴求係可以理解，政府對網約車持開放嘅態度，但車輛係必須要有出租車許可證，所以網約的士係冇問題，警方亦會加強打擊非法白牌車，政府年中亦將會提出規管網約車框架，確保網約平台嘅車輛全部都有牌。