成功學系列【3個重要成功特質,你有沒有?】


Hello大家好,我係Peter,相信絕大部份人都係想成功,但係有好多時,要成功唔係只靠努力就可以,更加唔係靠彩數,有研究顯示,成功人士通常都有以下3個重要特質,咁到底你又有冇呢?喺未開始之前,如果未訂閱我哋嘅朋友,記得訂閱喇!多謝支持!


好!我哋一齊睇吓呢3個重要成功特質!


第一個特質:【有清晰目標】


一講起目標,有好人就會話:「我要成功!我要發達!」呢類好虛無嘅目標,因為「成功」同埋「發達」係冇一定嘅定義嘅,會令自己唔知點樣行動,更加唔知點樣可以達成目標。


而真正嘅成功人士,往往都有清晰目標,而一個清晰嘅目標,通常都有明確嘅數字同埋時間,例如:要喺30歲前擁有500萬嘅流動資產,又例如:要喺6個月內減肥30磅。當你Set好咗一個清晰嘅目標之後,你就更容易定立出你需要點樣行動先可以達成目標。記住!要將個目標寫佢出嚟或者搵方法記錄低,之後定期都攞佢出嚟,審視一吓自己有冇向住呢個目標而行動,咁樣,你就已經擁有第一個成功特質!加油!


第二個特質:【唔容易放棄】


當你為咗你要成功嘅目標進發嘅時候,絕大部份人都冇可能一步就成功,當中一定遇到大大小小嘅困難,甚至你最親嘅家人朋友都覺得你唔會成功,更嚴重嘅就係,連你自己都失去咗信心,覺得冇可能達成目標,慢慢就會放棄行動。


「容易放棄」確實就係成功嘅最大阻力,而成功人士往往都有一個特質,就係「唔容易放棄」,無論遇到咩困難都好,只要係向住自己嘅目標進發,就會努力不斷嘗試行動。記住!「唔容易放棄」唔係叫你唔放棄做同一個錯誤行動,而係當你遇到難題或之前做錯咗決定嘅時候,嘗試用其他方法再嘗試行動,「失敗、改善、再嘗試」,呢個先係真正「唔容易放棄」嘅定義,大家又有冇呢個特質呢?


第三個特質:【不斷學習】


知識係無窮無盡,當你擁有知識嘅時候,你就會更容易作出行動嘅決定,例如邊個方法更有效,邊個方法對達成目標無效果等等,但好多人都只係會用佢僅有嘅知識去作出行動嘅判決,冇足夠嘅知識去解決遇到嘅困難,其實最大嘅問題係連佢自己都覺得自己已經擁有足夠嘅知識,唔需要再學習。


相反,成功人士往往都有個好好嘅特質,就係會「不斷學習」,無論佢嘅學歷有幾高有幾低都好,佢哋都會「不斷學習」,佢哋唔單只會學習自己行內嘅知識,更加會學習其他範疇嘅知識,令自己更容易發現機遇。


以上就係3個重要成功特質:「有清晰目標」、「唔容易放棄」同埋「不斷學習」,唔知睇緊呢篇文章嘅你又有冇呢幾個特質呢?


歡迎留言同我哋分享你嘅睇法!我哋下集見!


Peter Tseung

香港的士交易所 HKTEx (業務部) - 副總裁

2022年11月17日

P.S.:(短片版本將於稍後推出!敬請留意!)


#成功特質 #3個重要成功特質 #成功 #成功學 #點樣成功 #成功定義 #設定目標 #定立目標 #set目標 #唔好放棄 #唔容易放棄 #不斷學習

5 次查看