top of page

最新市場動態

的士牌市場資訊【持續量升價跌】2023年8月17日

香港的士交易所 HKTEx
2023年8月17日

大家好，歡迎收睇每星期嘅「的士牌市場資訊」，我係Olivia，相信有留意開我哋頻道嘅朋友，都知道最近的士牌價係持續下跌，今日8月17號最新嘅的士牌參考牌價，市區的士牌價358萬，新界的士牌價301萬，我哋就以市區的士為例，比起1個月前7月17號嘅市區的士參考牌價403萬，跌咗45萬，跌幅超過一成。


其實的士牌價喺今年嚟睇，由2月份開始持續下跌，呢幾個月都不斷尋底，不過我哋另外睇返今年1月份至7月份運輸署嘅的士過戶數量，根據運輸署俾我哋嘅官方數字睇得到，呢幾個月嚟的士過戶數量都係持續上升，我哋就以市區的士為例，1月份嘅過戶數量有119宗，而7月份嘅過戶數量就有178宗，上升咗接近5成，我哋再睇返呢個圖表，市區的士嘅過戶數量差唔多每個月都有所上升，反映緊的士買賣嘅活躍程度係上升緊，但喺呢段時間的士牌價都持續下跌，就出現咗「量升價跌」嘅情況，的士牌市場呢幾個月都持續出現呢個情況。


正如我哋7月份都出過一條片講解過「量升價跌」會係喺咩市況發生，詳細可以重溫返之前條片，至於「量升價跌」嘅情況喺市場上主要係有兩個唔同嘅解讀信號，一般解讀圍下跌初期嘅現象，亦都有人會解讀圍低位買入嘅信號，唔知你對的士牌「量升價跌」嘅情況又有啲咩睇法，歡迎留言。


不過無論你嘅睇法係點都好，喺準備賣出或者買入的士牌之前，都歡迎下載我哋嘅App「HKTEx 一站式的士買賣租賃平台」，了解更多最新資訊，密切留意我哋香港的士交易所，我哋下集見！


Olivia

香港的士交易所 HKTEx 主播

2023年8月17日

P.S.：短片版本請於YouTube上收看：https://youtu.be/Fq_9vmWyCJU



 
 

的士新聞資訊【減低意外風險 或可調低的士保費】2023年8月16日

香港的士交易所 HKTEx
2023年8月16日

大家好，歡迎收睇「的士新聞資訊」，我係Mia，的士經營問題一直以嚟都備受社會關注，例如唔少嘅的士車主都埋怨的士保險費用昂貴，香港的士小巴商總會早前公開要求政府介入同保險業界商討，調整「天價」嘅的士保險費用，同埋嚴懲「白牌車」，否則就會發動「停擺」行動。


從事保險業嘅議員陳沛良喺接受傳媒訪問表示，認為而家嘅的士保險費用並唔係坊間講到咁高，的士行業如果可以一齊採取管控風險嘅措施，喺風險可以控制嘅情況下，調整保費係有得諗嘅。


其實經營的士保險呢盤生意亦唔易做，早排就有保險公司因盈利問題而拒絕承保的士保險，搞到滿城風雨，雖然事件已經告一段落，而家的士業界都買到保險，不過保費就比起以前較高，有人甚至形容係「天價」保費，陳沛良承認，的士保費比起以前可能係貴咗啲，但坊間傳聞保費要8萬至9萬元一年嗰啲，只係好個別嘅例子，並非所有的士都係咁，佢解釋部分的士出意外嘅次數比較頻密，向保險公司索償得多，所以保費先至會比較貴。


睇返運輸及物流局早前嘅公布，涉及的士嘅交通意外數字，於整體交通事故宗數所佔嘅比例，一啲都唔低，由2019年至2021年嘅記錄，分別有4198宗、3408宗同埋4081宗有關的士嘅交通意外，最多嗰年的士意外佔整體交通事故宗數比例更加高達接近3成，而根據保險業監管局提供嘅數字，的士保險業務喺過去18年，即係2005年至2022年，當中有12年係錄得承保虧損。


陳沛良被傳媒問到，政府應唔應該補貼保險費用嚟減低的士業界嘅負擔，陳沛良就覺得做法並唔可取，事關政府唔應該單一傾向某個行業，萬一其他行業都有類似嘅要求，政府作出嘅補貼就沒完沒了，所以保費問題應該由行業自行解決。


咁到底的士行業要點樣應付保費嘅問題，陳沛良相信的士業界如果可以說服保險公司，意外風險係可以控制嘅話，相關保費應該有一定嘅調整空間，畢竟香港嘅保險市場，公司多、競爭大，只要計得掂條數，保險公司都唔會抬高保費，而減低意外風險嘅其中一個方法，陳沛良就建議的士安裝視像鏡頭，俾保險公司知道的士司機嘅駕駛狀況，同埋提升司機嘅警覺性，當做法運行一段時間而意外率降低咗，保險公司知道風險係可以控制，保費就自然有調整嘅空間。


唔知你對的士保費又有啲咩睇法，歡迎留言，如果想了解更多最新嘅的士牌資訊，歡迎下載我哋嘅App 「HKTEx 一站式的士買賣租賃平台」，密切留意我哋香港的士交易所，我哋下集見！


Mia

香港的士交易所 HKTEx 主播

2023年8月16日

P.S.：短片版本請於YouTube上收看：https://youtu.be/T3SA758EpAU



 
 

的士牌市場資訊【乘客人次趨勢有所回落】2023年8月8日

香港的士交易所 HKTEx
2023年8月8日

大家好，歡迎收睇每星期嘅「的士牌市場資訊」，我係Mia，最近的士牌價急跌，我相信如果有留意開我哋頻道嘅朋友，都應該會知道，今日8月8號最新嘅的士牌參考牌價，市區的士牌價367萬，新界的士牌價308萬，兩者就以市區的士牌價嘅跌幅較為明顯，比起1個月前7月8號嘅市區的士參考牌價409萬，跌咗42萬，跌幅超過一成。


至於大家都好想知道，點解的士牌價會急跌，其實背後都受到好多唔同嘅原因影響，例如：環球經濟環境、的士市場政策改變、保險費飆升、「白牌車」競爭、行內折扣競爭、司機人手短缺等等，我都冇可能喺度同大家一次過分析，不過今次牌價下跌嘅主要因素，明顯係受到銀行加息嘅壓力影響，再加上最近的士牌價再次受到各大傳媒嘅關注，加重咗市場上嘅沽售壓力，令的士牌價出現咗急跌嘅情況。


其實大家要留意以上嘅因素之外，最值得關注就係本身的士生意嘅情況係點，呢方面我哋可以睇吓運輸署最新嘅官方數據，平均每日公共交通乘客人次趨勢，最新只係顯示截至5月份嘅數據，喺呢個圖表我哋可以見得到，最近嘅人次趨勢都有所回落，5月份嘅平均每日乘客人次回落返去到大約1100萬嘅水平，比起社會運動同埋疫情前平均每日1300萬人次嘅水平仲有一啲距離，其實平均每日公共交通乘客人次趨勢嘅數據，間接都反映緊的士嘅生意情況，而的士嘅生意情況就係的士牌投資價值嘅核心因素，所以大家都值得繼續留意呢方便嘅消息，我哋亦都會第一時間同大家報導。


唔知你對的士牌價又有啲咩睇法，歡迎留言，如果想了解更多最新嘅的士牌資訊，歡迎下載我哋嘅App「HKTEx 一站式的士買賣租賃平台」，密切留意我哋香港的士交易所，我哋下集見！


Mia

香港的士交易所 HKTEx 主播

2023年8月8日

P.S.：短片版本請於YouTube上收看：https://youtu.be/uE3bk7ojkzA



 
 
40414344
bottom of page