top of page

最新市場動態

專題探討【的士筆試大改造】

香港的士交易所 HKTEx
2025年10月6日

大家好，我係Eva，運輸署由今年11月起將會調整的士筆試，起維持評估水平嘅同時，會做到更切合的士業界嘅實際運作需要。的士業界普遍表示歡迎，並建議加強職前培訓課程，吸引年輕人入行。今次嘅的士筆試大改造會唔會，為想入的士行業嘅司機帶來新嘅挑戰呢？今集就會同大家講解呢方面嘅情況，未訂閱我哋嘅朋友記得訂閱，多謝支持。


以往的士筆試主要考核司機對的士營運規例、主要路線同地點，過往考生幾乎要記熟全港大街小巷，加上仲要熟悉《道路使用者守則》等實務知識嘅掌握。不過除住時代改變，政府為咗與時並進，運輸署經過全面檢討考核安排後，將由今年11月3日起，將有關考試內容調整，整體試題數目由90條減至75條。


運輸署宣布調整部份包括，第一，將現時甲部份嘅「的士則例」同乙部份嘅「地方及路線試題」合併成為全新甲部份，叫做「的士營運」。主要考核的士司機嘅實務知識，包括相關法規及基本地方知識；第二， 現有丙部份嘅《道路使用者守則》取代為新嘅乙部份試題，仍然係繼續考核對《守則》嘅認識。


運輸署考慮到現時的導航科技已經能夠協助的士司機快速尋找目的地，以及規劃最佳行駛路線，新嘅的士筆試會大幅減少，同埋簡化有關著名地標同路線識別嘅試題，而試題庫亦會更新，令考核能更切合實務需要，同時又會確保通過考核嘅考生具備的士司機所需要嘅專業知識同行業素養，對主要道路網絡同經常到嘅地點有基本認知同掌握。另外會加入一啲新試題，例如的士車隊制度、違例記分制等等有關服務質素嘅新措施。


的士業界對新嘅筆試改革表示歡迎，認為可以將部分考核內容改為職前培訓課程，有助降低入行門檻。


的士車巷車主協會永遠會長吳坤成指出，起運輸署考取的士司機資格，覺得應該從一個比較簡易嘅形式畀佢哋知道好容易入行，俾佢哋覺得考呢個試並唔係想像中咁困難先。有啲情況起職前課程上補習，俾司機考試前再考一個簡單嘅筆試，吳坤成覺得呢個做法比較好一啲。


運輸署從2020年2月更新同調整筆試試題內容，的士牌照應考人數由2019年不足一萬人，增至去年1萬4千人，成功吸引更多人報考的士筆試。另外，的士筆試嘅合格率亦由2019年不足四成，增至六成。反映出優化咗嘅的士筆試喺對吸引新人投身的士司機行業有相當正面嘅作用。


運輸署又有諮詢的士服務質素委員會，希望做到跨專業、跨界別。當中包括的士業界嘅成員，並會向的士業界發信，介紹新的士筆試嘅考核範圍。署方會陸續向考生派發新嘅《的士筆試指引》以及《的士營運小冊子》，考生稍後亦可以參閱運輸署網頁。


總括嚟講，香港政府嘗試盡力為的士業界提升形象，至於簡化的士筆試係咪能夠吸引更多新人入行，仍然係未知。原因都仲要睇的士車隊未來發展成點，同埋將會面世嘅網約車平台，最終會發出幾多個牌照。如果網約車發牌數量龐大，即使的士司機入職門檻再幾簡單，都有可能未必吸引到更多新人入行。


唔知你對以上內容又有啲咩睇法，歡迎留言，如果想了解更多最新嘅的士牌資訊，歡迎下載我哋嘅App 『HKTEx 一站式的士買賣租賃平台』，密切留意我哋香港的士交易所，我哋下集見。


Eva

香港的士交易所 HKTEx 主播

2025年10月6日




 
 

的士新聞資訊【網約車條例10月15日合法在望】2025年9月26日

香港的士交易所 HKTEx
2025年9月27日

大家好，歡迎收睇「的士新聞資訊」，我係Hayley，政府為完善網約車服務規管，早前提出《2025年道路交通（修訂）（網約車服務）條例草案》，立法會審議相關法案的委員會已完成條例草案的審議工作，並不會提出任何修正案，政府建議下個月15日的立法會會議恢復條例草案二讀。另外，法案委員會在本月16日至22日期間，共收到47份來自公眾人士或團體提交的意見書，收到的意見書均支持立法規管網約車服務，認為應讓的士與網約車有公平的競爭環境。


在47份意見書當中，有不少意見關注，若然政府對網約車數目施加太過嚴格的限制，可能會導致市場供應不足，影響市民出行同網約車司機的生計，但同時亦都有持相反意見，認為政府不應發出大量網約車車輛許可證。另有部分意見認為政府應就網約車平台可收取的車費作規管；對此，政府表示香港嘅情況非常獨特，本港多元發達嘅公共交通系統每日服務接近九成嘅出行人次，需要對網約車的發牌數目實施總量控制，推進個人化點對點交通服務有序發展，無限制或無秩序下發出網約車牌照，很可能會引發負面後果，導致網約車數量過多，降低的士同網約車的營運效率，或引發市場惡性競爭，令的士和網約車司機的收入減少，影響行業的可持續發展。


政府指出為應對網約車車輛數量實施總量控制，《條例草案》賦予權力俾運輸署署長可限定發出的網約車車輛許可證的數目，計劃於下一階段透過附屬法例訂明有關數目的上限，在訂定上限時，會考慮及平衡多項因素,包括市民的需求和召車體驗、道路網絡的承受能力、公共交通系統的生態，以及整體個人化點對點交通服務行業的健康和可持續發展。


車費方面，政府表示會保留規管定價的權力，在有需要的情況下，可規管收費安排。例如，當市場上出現惡性競爭，甚至一些割喉式減價的情況，並對行業的良性競爭和健康發展造成嚴重影響時，政府可考慮是否需要規管車費的安排。


唔知你對以上嘅內容又有啲咩睇法？歡迎留言，如果想了解更多最新嘅的士牌資訊，歡迎下載我哋嘅App『HKTEx一站式的士買賣租賃平台』，密切留意我哋香港的士交易所，我哋下集見。


Hayley

香港的士交易所 HKTEx 主播

2025年9月25日




 
 

的士新聞資訊【中美開啟Robotaxi戰場】2025年9月17日

香港的士交易所 HKTEx
2025年9月17日

已更新：2025年9月19日





大家好，歡迎收睇「的士新聞資訊」，我係Hayley，起9月11日，上海黃浦舉行嘅上海外灘大會2025，自動駕駛公司地平線（09660.HK）宣佈與哈囉合作推出Robotaxi產品，地平線公司將會爲哈囉提供配套硬件以及演算法支持。


同一日，哈囉首款前裝量產Robotaxi車款型號「HR1」（Hello Robot 1）首次亮相。哈囉方面表示，計劃在2026年實現前裝車型量產，覆蓋超過10個城市、達到萬輛規模，2027年部署超過5萬輛面向全球的無人駕駛的士。


近期，中國有大量無人駕駛產業鏈公司湧入全自動化領域。除咗地平線外，文遠知行(WRD.NASDAQ)、Momenta等多家國內公司也相繼進入市場。據業內人士表示，無人駕駛的士產業潛力龐大。根據瑞銀報告預測，到本世紀30年代後期，中國無人駕駛的士市場嘅潛在規模將達到1830億美元，屆時全國將有約400萬架無人駕駛的士投入營運。除百度之後，國內無人駕駛產業鏈公司已先後進入無人駕駛的士領域，不過每間公司都有各自嘅市場部署。


地平線是國內無人駕駛供應商龍頭之一，其產品主要聚焦自動駕駛晶片、演算法等等，係國內自動駕駛晶片出貨量最高嘅企業之一。今次地平線主要作爲無人駕駛的士嘅軟硬件供應商，而哈囉就負責具體商業營運。加上哈囉都係擁有國內知名出行平台，螞蟻集團都係其主要股東之一。


另一間無人駕駛公司，「文遠知行」進入無人駕駛的士業務較早，已一早起北京、深圳等國內多個地點擴展業務，係百度之後營運規模最大嘅公司之一。其商業模式係與車隊企業合作量產無人駕駛的士，投放至市場上營運獲利。


另外，上汽集團投資嘅無人駕駛公司Momenta起9月8日德國慕尼黑車展期間，首次宣佈與網約車平台服務商Uber合作投放無人駕駛的士。慕尼黑將作爲首個試驗城市，預計於2026年起當地正式開始服務。Momenta向Uber平台提供無人駕駛的士，具體營運由Uber全權負責。起中國國內，Momenta 已在上海開展無人駕駛的士業務，首批的士起今年年底前將進入試業營運。


去到地球另一邊，美國Tesla 起上週五收市升­近7.4%，創近3個月來最大單日升幅，亦創今年1月31日以來新高，收復近7個半月以來所有跌幅。分析相信，Tesla今次股價急升主要原因係同公司嘅無人駕駛的士業務嘅進展有關，以及馬斯克的萬億薪酬方案，確保馬斯克未來十年能繼續專注公司發展。


另外有消息指，Tesla已獲得美國內華達州批准，可以起該州公路上測試無人駕駛的士服務，推動股價收市升約6%，美國媒體獲得內華達州有關部門的確認後，進一步提升投資者對該公司的信心。內華達州機動車輛管理局(DMV)發言人Hailey Foster證實，Tesla已於9月3日提交測試註冊認證，並於上週三獲得處理，意味著Tesla目前已獲准在該州測試自動駕駛汽車，但現時不能作為常規服務營運。Foster指出，Tesla仍需要起營運前完成自我認證流程，才能推出完整嘅項目。


公司行政總裁馬斯克起今年7月曾勾勒出無人駕駛的士擴張路線圖，表示希望迅速擴大服務範圍，預計年底前覆蓋美國一半人口。Tesla已於6月22日，起得州奧斯汀首次提供無人駕駛的士服務，7月底擴展至加州灣區。馬斯克還表示，可能在今年底前移除目前服務中要求配備的安全駕駛員。


Tesla 的創新不僅提升了交通服務的便利性，也為自動駕駛技術嘅未來發展奠定了基礎。隨著在機場的擴展，Tesla 有望進一步鞏固起無人駕駛市場上的領導地位，從而促進整個行業的進步，並為消費者帶來更多選擇。


唔知你對以上嘅內容又有啲咩睇法？歡迎留言，如果想了解更多最新嘅的士牌資訊，歡迎下載我哋嘅App「HKTEx一站式的士買賣租賃平台」，密切留意我哋香港的士交易所，我哋下集見。


Hayley

香港的士交易所 HKTEx 主播

2025年9月17日




 
 
13141617
bottom of page