top of page

最新市場動態

成功學系列【3個重要成功特質】


大家好，【成功學系列】好耐無同大家見面，今集同大家探討一下成功特質。相信絕大部份人都想成功，但是好多時，要成功唔係只係靠努力就可以嘅，更加唔係靠彩數。有研究顯示，成功人士通常有以下3個重要特質，咁到底你又有冇呢？起未開始之前，如果未訂閱我哋嘅朋友？記得訂閱！多謝支持！


第一個成功特質：【有清晰的目標】

一講起目標，有好多人就會說：「我要成功！我要發達！」這類好虛無的目標。因為「成功」同埋「發達」是無一定的定義。會令到自己唔知點樣行動，更加不知點樣達成目標。而真正的成功人士，往往都有清晰目標。而一個清晰的目標，通常都有明確的數字和時間。例如：要在30歲前擁有500萬的流動資產。又例如：要在6個月內減肥30磅。當你訂立了一個清晰目標之後，你就更容易定立出你需要怎樣行動先可以達成目標。記住！要將個目標寫出來或者找方法記錄下來。之後定期都拿出來，審視一下自己有冇向住這個目標而行動。這樣，你就已經有第一個成功特質！加油！


第二個特質：【不容易放棄】

當你為了你要達成目標進發的時候，絕大部分人都無可能一步就成功，當中一定遇到大大小小的困難。甚至你最親的家人和朋友都會覺得你唔能夠成功，更嚴重的就是連你自己都失去信心，覺得不可能達成目標，慢慢就會放棄行動。「容易放棄」確實係成功的最大阻力。而成功人士往往有一個特質，就是「不容易放棄」。無論遇到咩困難都好，要向住自己的目標進發，就會努力不斷嘗試行動。記住！「不容易放棄」不是叫你不放棄做同一個錯誤行動。而是當你遇到困難時，用其他方法再嘗試行動，失敗改善再嘗試。這個才是真正「不容易放棄」的定義，大家又有沒有這個特質呢？


第三個特質：【不斷學習】

知識是無窮無盡，當你擁有知識的時候。你就會更容易作出行動的決定，例如哪個方法更有效，哪個方法對達成目標無效果等等。但好多人都只是會用他們僅有的知識去作出行動的判決，無足夠嘅知識去解決遇到的困難，其實最大問題是連自己都覺得自身已經擁有足夠的知識，不需要再學習。相反，成功人士往往都有個好的特質，無論他們學歷有何高低，都會「不斷學習」。不單只會學習自己行內的知識，更加會學習其他範疇的知識，令自己更容易發現機遇。以上就是3個重要成功特質，「有清晰目標」、「不容易放棄」和「不斷學習」。不知道觀看影片中的你又有沒有這幾個特質？


歡迎留言分享你的看法，我哋下集見。


香港的士交易所 HKTEx

2025年12月11日




 
 

的士新聞資訊【全港首架可換電的士】2025年12月3日


大家好，歡迎收睇「的士新聞資訊」，我係Hayley，龍昇新能源起宣布，全港首架可換電內地豪華車品牌紅旗E-QM5的士，可以在99秒內完成換電，預計明年4月起交車。龍昇並已與電池製造商巨頭寧德時代的子公司「時代電服」合作，在本港設立換電站，預計明年4月交車時在粉嶺、青衣、馬鞍山各有一間可投入服務，預計到2027年底會擴至14間。


今次在香港推出的是右軚可換電的士版本，電池技術由內地電池龍頭寧德時代負責，保證支援未來推出的新技術，最高續航達500公里，可於99秒內完成換電，換電過程全部可由手機控制，車主換電時無須下車；同時支援80kW快速充電。龍昇指，對比現時充電的士，預計司機每年可以節省450小時補充能源的時間。


車價及換電費用方面，淨車殼、不連電池價錢為18.8萬元，需額外租用電池，每個月1,388元，首一年有折扣。連電池版本則為28.8萬元，需支付每年2,499元「擕電入網服務費」，頭三年免費。換電費採用月費形式，每月5,000元，可無限換電，明年全年免費。黃釗表示，換電月費與現時石油氣的士每月入氣費用相若。據龍昇，「擕電入網」是指用戶擁有電池所有權，僅通過換電服務獲取電力，若用戶選擇「退網」，可獲得與行駛里程相近的電池。


售後服務方面，電池有5年50萬公里原廠保養，連電池版本免費延長至80萬公里。目前香港已有10個特約維修點，位於荃灣的萬尺維修中心將於2026年2月開業。 黃釗認為，換電車解決了現時的士需排隊充電或加氣的問題，有助司機騰出更多時間做生意，而對於車主，電池保險、維修等會由專業電池公司負責，令保養成本降低。他又指，的士業界對反應正面，已經有約20間車行表達有意採購新車，現已收到300架意向訂單；預計明年四月起交車，每月最多可交100架。


香港的士小巴商總會幹事馮國才以及發言人翁國豪表示，各自的車行都打算訂20至30部換電的士。翁國豪更對新的士表示期待，稱本港現有的充電配套，不足以應付政府2027年底3,000部電動的士的目標，有信心司機會有興趣，又期望龍昇可以增建更多換電站，滿足司機需要。


唔知你對以上嘅內容又有啲咩睇法？歡迎留言，如果想了解更多最新嘅的士牌資訊，歡迎下載我哋嘅App「HKTEx一站式的士買賣租賃平台」，密切留意我哋香港的士交易所，我哋下集見。


Hayley

香港的士交易所 HKTEx 主播

2025年12月3日



 
 

的士牌市場資訊【新界的士租金回報】2025年11月24日


大家好，歡迎收睇「的士牌市場資訊」，我係Eva，我哋香港的士交易所會定期同大家分享有關的士牌買賣嘅最新市場資訊，未訂閱我哋頻道嘅朋友，記得訂閱，多謝支持。今日同大家睇一睇最新嘅的士按揭資訊，了解一下如果現時購買一個新界的士牌連一架全新混能的士，到底首期係幾多，月供幾多錢，收租回報又係幾多。


我哋睇一睇以下呢個例子，我哋假設經買賣雙方議價之後，新界的士嘅成交牌價係145萬，而一架全新混能新界的士嘅車價係42萬全包，包噴油、首年全保保險同埋包首年牌費，即係一架已經可以即時開工嘅的士，咁佢嘅成交價就係145萬加42萬，即係187萬。


我哋再以現時銀行提供嘅按揭貸款計劃嚟做計算，以全新新界混能的士為例，銀行按揭貸款金額最高大約可以借到120萬，計返嘅話，大約係成交價嘅6成半，咁以首期嚟講，以呢個例子嚟計算，就大約只需要67萬。


至於呢個按揭例子係做緊P按，個按揭利率係P減0.75，而今日2025年11月24號，銀行嘅最優惠利率P係5.25厘，個按揭利率就即係4.5厘，按揭年期最高可以做到二十五年300期，經過計算之後，月供就大約係6670蚊，如果車主係將架車交俾我哋香港的士交易所管理嘅話，我哋提供全新新界混能的士嘅每月託管保證租金係17000蚊，當中已經包晒所有日常基本維修保養，即係包括晒換呔、換偈油、換擋風玻璃等等。


我哋最後再同大家計埋個租金年回報，以成個資產價值187萬嚟計，佢個租金年回報超過10.9厘，當然呢個回報率係未扣除成本開支，我哋就嘗試扣除埋最貴嘅保險費用成本支出，佢嘅租金年回報率都超過7厘，情況都算理想。


最後都要補充一句，要提提大家，記住的士牌價，同埋銀行按揭利率，每日都有機會唔同，我哋提供以上呢個例子，都盡量反映返最新嘅資訊，如果當你打算想購買的士牌嘅時候，歡迎下載我哋嘅App 『HKTEx 一站式的士買賣租賃平台』，了解返最新嘅的士牌參考牌價同埋銀行嘅按揭利率資訊，密切留意我哋香港的士交易所，我哋下集見。


Eva

香港的士交易所主播

2025年11月24日



 
 
2356
bottom of page