top of page

最新市場動態


Hello 大家好,我係Peter,今集嚟到Part 3,我哋繼續回應大家嘅留言,如果錯過咗之前Part 1同Part 2嘅朋友,可以先去返我哋嘅Channel重溫返先,未訂閱我哋嘅朋友,記得訂閱喇,多謝支持!


講返個情況先,我哋之前喺社交媒體出Post問大家「你認為的士牌仲值得投資嗎?」,我哋收集咗好多唔同嘅意見同睇法,今集我哋嘗試繼續回應大家嘅留言,當中有網民留言講到:「呢排加息中,的確唔夠做定期吸引」。


好!等我喺度嘗試同大家分析一吓當中嘅細節,先講一講加息嘅情況先,由於現時美國通脹持續高企,為咗對抗通脹,美國嘗試透過加息去解決高通脹問題,由於香港喺1983年起,實施咗聯繫匯率制度,港元同美元有一定嘅掛勾,如果美國持續加息,大量資金流向美元,令美元強勁,為咗確保香港貨幣金融穩定,香港亦要有資金去保持聯繫匯率制度,所以香港會因應情況加息去吸引資金流入。


近期我哋見到香港銀行亦相繼加息,咁到底加息又對的士牌有啲咩影響呢?等我喺度嘗試同大家分析一吓,其實加息,最主要係增加咗的士按揭貸款嘅成本,每月還款嘅金額增加咗,供款壓力增加,會令某部份車主決定放售的士牌套現,的士牌價亦會有下跌嘅壓力,不過有一點大家一定要知道,本身市場上的士牌嘅數量唔算太多,只係有18163個,而且當中有好多車主都已經供斷咗,又或者買嗰陣已經全數Fullpay買起咗,所以加息對呢班車主嚟講可以話係冇任何壓力,只係喺資產價值個帳面上有所下跌,唔多唔少心理都會有少少影響,但係大家唔好過份高估咗加息對的士牌價嘅影響。

近期我哋香港的士交易所都發現,買家都偏向於用高首期又或者Fullpay方式去購買的士牌入市,咁樣可以有一定程度對抗牌價下行壓力,亦都可以令自己供款壓力減到最低,有一定實力嘅買家,不妨可以參考吓。


至於網民提到「的確唔夠做定期吸引」,我哋就嘗試睇吓當中嘅比較,冇錯嘅,做定期勝在夠穩陣,而且簡單易明,有唔少穩健嘅投資者都會用呢種投資工具嚟收息,以現時銀行港元定期存款嘅情況 (資料截至2022年12月12日),假設存款金額為100萬,做6個月嘅定期,息口大約介乎3.8%至5%左右,至於以一個總資產價值400幾萬嘅市區的士牌嚟計算,佢嘅租金年回報大約有4.8%,當然,呢一個回報率,係仲未減除營運的士嘅成本,但值得留意嘅係,要喺市場上搵一樣咁大額嘅資產,而銀行係願意接受按揭貸款申請,我諗除咗物業之外,的士牌就係另一個選擇,所以有好多時投資者購買的士牌,實際只係俾咗大約100萬嘅首期,如果以投資金額100萬黎計算,佢個租金回報率可以超過20%以上。


至於資產價值嚟睇,做定期係屬於一個保本嘅投資,佢嘅資產價值唔會因時間而改變,大家要明白,跟隨時間嘅過去,同等價值嘅金額,佢嘅購買力好大機會會下降,所以做定期雖然話保本,但係就要好睇個利息追唔追到通脹。


至於的士牌嘅價值,就會因應市況而調整,而的士收貴同埋租金水平好多時都係根據通脹而有所上升,從而帶動佢嘅資產價值,所以我個人應為做定期同埋投資的士牌係屬於兩種好唔同嘅工具,適合唔同嘅投資者選擇,兩樣嘢好難做比較,唔知大家又有咩睇法呢?歡迎留言!


我哋一連3集,回應大家嘅留言,同大家分享咗我哋對的士牌市場嘅睇法,如果想進一步了解更多資訊,歡迎隨時聯絡我哋嘅團隊,我哋下集見!



Peter Tseung

香港的士交易所 HKTEx (業務部) - 副總裁

2022年12月21日

P.S.:(短片版本將於稍後推出!敬請留意!)


#的士牌價 #投資的士 #買賣的士牌 #的士司機 #的士生意 #白牌車 #Uber #社會運動 #疫情 #的士保險 #泰加保險 #美國加息 #加息 #投資的士回報 #投資回報 #加息 #定期 #通脹 #聯繫匯率制度 #聯繫匯率 #美元 #港元


73 次查看


美國聯儲局宣布再加息0.5厘,為今年內第七次加息,累計已加4.25厘。滙豐銀行同日亦宣布上調最優惠利率0.25厘。假設購入樓價約555萬元的一手物業,業主每月或需要多供686元,一年下來的供樓開支便多出約8,232元,壓力測試要求亦相應提高。

壓力測試門檻提高2.8%


是次滙豐銀行再加息,供樓負擔及壓力測試入息要求將相應調升。假設購入一伙樓價約555萬元一手物業,承造九成按揭,貸款額500萬元、年期為30年,在滙豐未加息前(P為5.375%),一手物業H按封頂息率為P-2.25%=3.125%,每月供款為21,419元,壓力測試為45,374元。


不過,當加息0.25厘後(P為5.625%),一手物業H按封頂息率增至3.375%,每月供款增加686元或3.2%至22,105元,即一年供樓開支便增加8,232元,夠買兩部iPad mini(64GB Wi-Fi)(一部售價為3,999港元),亦足夠買三張台灣機票(以國泰最平票價每張2,406元計)。而壓力測試增加1,290元或2.8%、至46,664元。


若是二手物業,在加息前,H按封頂息率為P-2%=3.375%,每月供款為22,105元,壓力測試為46,664元。加息後,二手物業H按封頂息率增至3.625%,每月供款增加698元或3.2%至22,803元,一年供樓開支便增加8,376元。而壓力測試亦增加1,307元或2.8%至47,971元。


至於P按息率,加息前為P-2.15%=3.225%,每月供款為21,692元,壓力測試要求為45,888元。加息後,P按息率增至3.475%,每月供款增加691元或3.2%至22,383元,即一年供樓開支便增加8,292元。而壓力測試要求增加1,297元或2.8%至47,185元。



撰文:黃祐樺


圖片來源: 香港01


原文資料來源:

https://www.hk01.com/article/847328?utm_source=01articlecopy&utm_medium=referral


#滙豐 #加息 #台灣機票 #物業 #的士 #美國聯儲局 #壓力測試 #供樓負擔 #P按 #H按 #二手物業 #封頂息率 #一手物業 #滙豐銀行 #香港01 #HKTEx #香港的士交易所

181 次查看


本港昨日(13日)新增13,721宗新冠病毒確診個案,較前一日減少約1,000宗或6.77%;再多37名年長患者不治,創近半年單日新高。雖然持續六日新增逾萬宗,但無影響本港復常進展。

政府昨日公布,由今日(14日)起撤銷進入表列處所必須掃瞄安心出行,惟進入食肆等主動核查處所,仍需提供疫苗通行證檢查。經機場入境人數今日起不會再獲發三日「黃碼」,只要抵港時核酸檢測呈陰性,就可如一般市民自由活動,只需在第2日再進行核酸檢測。


放寬防疫措施一覽:


1.市民毋須再掃「安心出行」,但入指定處所仍要被「反掃」,即仍要使用疫苗通


2.「黃碼」會取消,市民入境後即可以進入指定處所


3.撤銷前往內地及澳門人士在口岸的核酸檢測


4. 調整本地核酸檢測策略,逐步減少向住宅大廈發出檢測公告


5. 撤銷居家檢疫人士電子手環既要求



昨日疫情概要:


- 13,721宗確診,較昨日個案輕微下跌6.77%,第七日維持在一萬宗的水平。


- 輸入個案791宗創新高,佔整體個案比率4.36%;相比同日18,156名機場入境旅客人數,確診比率則為4.36%,七日平均比率是4.11% 。


- 新增37名患者死亡,7日平均死亡率略升至0.183%,整體死亡率略降0.48%,累計死亡人數為11,021人。


- 本地XBB個案增8宗累計131宗, 本地BQ.1.1增2宗累計143宗。


- 院舍個案維持高水平,今日35間院舍出現個案,66名院友及職員感染。


安心出行取消|盧寵茂籲勿刪程式 續用疫苗通鼓勵打針:疫情未過


【09:26】港府今日起撤銷強制掃描安心出行二維碼的要求,醫務衞生局局長盧寵茂今早在電台節目表示,安心出行推出至今共調整功能逾40次,現可登記核酸檢測及出示疫苗通行證等,強調今次並非取消整個安心出行應用程式,籲市民:「千祈唔好喺手機拎走(安心出行)。」


對於續用疫苗通行證,盧寵茂強調,疫苗通是推動市民打針重要措施,重申長者接種率僅38%,若感染後果嚴重,推行疫苗通行證是為鼓勵市民打針:「(政府)係鼓勵大家打針而唔係一定要推行疫苗通行證,希望大家唔好搵錯對象同敵人。」


安心出行|即日起進入懲教院所毋須再掃 仍要出示疫苗通行證


【07:28】懲教署表示,即日起訪客進入懲教院所進行探訪無須使用「安心出行」流動應用程式登記,但須繼續出示「疫苗通行證」二維碼(以「安心出行」、「智方便」或「醫健通」應用程式出示,或使用紙本紀錄、手機截圖均可),「紅碼」人士不能進入懲教院所進行探訪。為減低病毒流入院所風險,訪客仍須於探訪當天自行進行快速抗原測試並取得陰性結果,在到達懲教院所後經「健康申報表」申報有關測試結果。


撰文:黃金棋 孔繁栩 黃煦緻 馬煒傑 梁晉穎 何瑞芬 陳葆琳 洪芷菁 鄧康翹


圖片來源: 香港01


原文資料來源:

https://www.hk01.com/article/846781?utm_source=01articlecopy&utm_medium=referral


#安心出行 #黃碼 #核酸檢測 #盧寵茂 #疫苗通行證 #智方便 #醫健 #紅碼 #藍碼 #健康申報表 #內地 #澳門 #居家檢疫 #隔離令 #檢疫令 #陰性 #陽性 #懲教院 #香港01 #HKTEx #香港的士交易所

43 次查看
bottom of page