top of page

最新市場動態

的士牌市場資訊【月供只需HK$13,600】2024年11月18日｜月供的士牌


大家好，歡迎收睇「的士牌市場資訊」，我係Hayley，今日同大家睇一睇最新嘅的士按揭資訊，了解一下如果現時購買一個市區的士牌連一架全新混能的士，到底首期係幾多？月供幾多錢？收租回報又係幾多？


我哋睇一睇以下呢個例子，我哋假設經買賣雙方議價之後，市區的士嘅成交牌價係HK$279萬，而一架全新混能市區的士嘅車價係HK$41萬全包，包首年全保保險同埋包首年牌費，即係一架已經可以即時開工嘅的士，咁佢嘅成交價就係HK$279萬加HK$41萬，即係HK$320萬。


我哋再以現時銀行提供嘅按揭貸款計劃嚟做計算，以全新市區混能的士為例，銀行按揭貸款金額最高大約可以借到HK$275萬，計返嘅話，大約係成交價嘅85%，咁以首期嚟講，以呢個例子嚟計算，就大約只需要HK$45萬。


至於呢個按揭例子係做緊P按，個按揭利率係P-1.05%，而今日2024年11月18號，銀行嘅最優惠利率P係5.375%，個按揭利率就即係4.325%，按揭年期最高可以做到三十年360期，經過計算之後，月供就大約係HK$13,600，如果車主係將架車交俾我哋管理嘅話，我哋香港的士交易所提供全新市區混能的士嘅每月託管保證租金係HK$22,000，當中已經包晒所有日常基本維修保養，即係包括晒換呔、換偈油、換擋風玻璃等等。


我哋最後再同大家計埋個租金年回報，以成個資產價值HK$320萬嚟計，佢個租金年回報超過8%，當然呢個回報率係未扣除成本開支，我哋就嘗試扣除埋最貴嘅保險費用成本支出，佢嘅租金年回報率都超過6%，情況都算理想。


最後都要補充一句，要提提大家，記住的士牌價，同埋銀行按揭利率，每日都有機會唔同，我哋提供以上呢個例子，都盡量反映返最新嘅資訊，如果當你打算想購買的士牌嘅時候，歡迎下載我哋嘅App「HKTEx 一站式的士買賣租賃平台」，了解返最新嘅的士牌參考牌價同埋銀行嘅按揭利率資訊，密切留意我哋香港的士交易所，我哋下集見。


Hayley

香港的士交易所 HKTEx 主播

2024年11月18日

P.S.：詳細短片版本請於YouTube上收看：https://youtu.be/qsZmICTpxjE



【的士牌是危？還是機？】｜特朗普當選美國總統｜美國聯儲局減息｜的士牌照買賣投資講座


大家好，我係Karina，2024年美國總統大選嘅結果引起咗全球嘅關注，特朗普再次當選，呢一個結果唔單只影響美國嘅內政同外交，亦都對全球嘅經濟形勢產生咗深遠嘅影響，隨住特朗普嘅當選，美國聯儲局最近嘅減息決策亦都成為市場熱烈討論嘅焦點，咁到底呢啲變化對香港的士牌嚟講會帶嚟咩潛在嘅危機或者機會呢？今集就同大家簡單分析一吓，未訂閱我哋頻道嘅朋友，記得訂閱，多謝支持！


特朗普喺2024年嘅美國總統大選之中獲得咗壓倒性嘅勝利，成功當選為美國第47任總統，特朗普喺競選中強調「美國優先」嘅政策，佢承諾將會推動經濟增長，並且喺外交政策上採取更為孤立嘅立場，呢啲都同佢第一任期嘅政策相似，經濟學家普遍認為，特朗普嘅政策可能會導致美國有高債務嘅水平同埋額外嘅財政支出，亦都會為美國帶嚟更高嘅通脹，因為特朗普揚言會對貿易夥伴加徵關稅，亦有意延長現有嘅稅務優惠，呢啲都會令美國聯儲局喺未來嘅減息決策之中變得更加謹慎，喺呢種情況下，聯儲局可能會考慮到經濟增長同通脹嘅壓力，從而減少減息嘅頻率同幅度，相信美國聯儲局或者需要更長嘅時間先會將利率降至較低嘅水平。


我哋先了解一吓美國最近加息同減息周期嘅情況先，美國聯儲局喺2022年3月正式啟動咗加息周期，目的係應對持續上升嘅通脹，當時2022年6月嘅通脹率達到9.1%，係最近41年嚟嘅高位，所以聯儲局決定通過提高利率嚟抑制物價上漲，喺呢幾年間，美國聯儲局總共進行咗11次嘅加息，將基準利率由接近零嘅水平提高到5.25厘至5.5厘之間，之後通脹率就由高位逐步下降，下降至2024年6月嘅3%，呢一個趨勢令到美國聯儲局開始考慮減息嘅可能性，直到2024年9月18號，聯儲局宣布減息0.5厘，將基準利率下調至4.75厘至5厘之間，呢個係四年幾以嚟嘅首次減息，由於美國減息會直接影響全球嘅資金流動，所以情況都備受投資者關注，全球嘅資金會流向其他國家地區相對預期回報較高嘅資產市場上，而啱啱11月份美國聯儲局嘅議息結果宣布再次減息0.25厘，隨後本港匯豐銀行亦都跟隨減息0.25厘，將佢哋嘅最優惠利率P調低至5.375厘。


咁到底減息又對本港嘅的士牌價又有啲咩影響？其實最直接嘅影響就係減低咗的士車主向銀行申請按揭貸款嘅成本，減低咗供款嘅壓力，從而令佢嘅回報增加，吸引到外來新嘅資金入市，有機會令牌價回升，但有按揭市場分析師提醒，未來特朗普嘅政策可能會影響美國減息嘅步伐，而且喺對上美國加息周期嘅時候，本港銀行最優惠利率P嘅上調幅度好少，所以未來銀行再下調最優惠利率嘅空間幅度有限，投資者唔好抱有太大嘅減息期望。


當然，影響住的士牌價嘅因素仍然有好多，最值得留意嘅就係政府嚟緊點樣修例監管網約車平台，呢個政策係直接影響的士牌嘅價值，同埋嚟緊的士車隊將會正式投入服務，長遠有望提升整體的士嘅服務質素，增加的士生意同回報，大家要密切留意我哋嘅頻道，一有最新消息我哋會即時同大家報導。


唔經唔覺我哋香港的士交易所嚟緊就會舉辦我哋第100場嘅「的士牌照買賣投資講座」，平均每個月都舉辦一場講座，由現場實體到網上直播，至今已經舉辦超過8年，喺呢8年間，我哋服務超過5000位客戶，提供一站式嘅的士買賣及管理服務，喺2023年我哋更加推出咗自家平台App「HKTEx」，方便大家免費自助搵盤放盤，深受客戶歡迎，多謝大家支持，如果你都想深入了解更多投資的士牌嘅最新資訊，歡迎下載我哋嘅App「HKTEx 一站式的士買賣租賃平台」，喺App內免費報名留位參加講座，我哋喺講座見。


Karina

香港的士交易所 HKTEx 主播

2024年11月7日

P.S.：詳細短片版本請於YouTube上收看：https://youtu.be/rQZyqUB4Wzo


3467
bottom of page