top of page

最新市場動態

的士牌市場資訊【月供只需一萬元】2025年9月11日｜月供的士牌

已更新：2025年11月17日


大家好，歡迎收睇「的士牌市場資訊」，我係Karina，今日同大家睇一睇最新嘅的士按揭資訊，了解一下如果現時購買一個市區的士牌連一架全新混能的士，到底首期係幾多，月供幾多錢，收租回報又係幾多。


我哋睇一睇以下呢個例子，我哋假設經買賣雙方議價之後，市區的士嘅成交牌價係HK$220萬，而一架全新混能市區的士嘅車價係HK$41萬全包，包首年全保保險同埋包首年牌費，即係一架已經可以即時開工嘅的士，咁佢嘅成交價就係HK$220萬加HK$41萬，即係HK$261萬。


我哋再以現時銀行提供嘅按揭貸款計劃嚟做計算，以全新市區混能的士為例，銀行按揭貸款金額最高大約可以借到HK$180萬，計返嘅話，大約係成交價嘅69%，咁以首期嚟講，以呢個例子嚟計算，就大約只需要HK$81萬。


至於呢個按揭例子係做緊P按，個按揭利率係P-0.75，而今日2025年9月11日，銀行嘅最優惠利率P係5.5厘，個按揭利率就即係4.75%，按揭年期最高可以做到25年300期，經過計算之後，月供就大約係HK$10300蚊，如果車主係將架車交俾我哋管理嘅話，我哋香港的士交易所提供全新市區混能的士嘅每月託管保證租金係HK$22000蚊，當中已經包晒所有日常基本維修保養，即係包括晒換呔、換偈油、換擋風玻璃等等。


我哋最後再同大家計埋個租金年回報，以成個資產價值HK$261萬嚟計，佢個租金年回報超過10%，當然呢個回報率係未扣除成本開支，我哋就嘗試扣除埋最貴嘅保險費用成本支出，佢嘅租金年回報率都超過6%，情況都算理想。


最後都要補充一句，要提提大家，記住的士牌價，同埋銀行按揭利率，每日都有機會唔同，我哋提供以上呢個例子，都盡量反映返最新嘅資訊，如果當你打算想購買的士牌嘅時候，歡迎下載我哋嘅App 『HKTEx 一站式的士買賣租賃平台』，了解返最新嘅的士牌參考牌價同埋銀行嘅按揭利率資訊，密切留意我哋香港的士交易所，我哋下集見。


Karina

香港的士交易所 HKTEx 主播

2025年9月11日




 
 

立法會首讀網約車草案 料明年第四季推出首批持牌網約車平台


立法會今日(10日)首讀並押後二讀辯論《2025年道路交通(修訂)(網約車服務)條例草案》。運輸及物流局局長陳美寶表示，條例草案先就規管框架訂立原則性事宜，並為下一階段工作訂立基礎。她指會在下一屆立法會，透過附屬法例訂立規管其他細節，視乎進度期望首批持牌網約車平台在2026年第4季營運。


為保障乘客出行的安全和權益，她指條例草案要求平台、私家車及司機等3方面要有合適牌證，又指當局提出3大條件，即透過持牌平台預約安排、提供服務的私家車要領有網約車車輛許可證、駕駛有關車輛的司機領有網約車車輛駕駛許可證。她指違反上述條件而提供網約車服務，屬於「非法載客取酬」，需要負上刑責。


任何提供網約車平台服務的電子或電訊平台，均需要領取網約車服務牌照；必須為在香港註冊公司。她又指平台要符合指定入場門檻，例如營運經驗、財力證明、資本投入、董事資格等，確保有足夠能力提供服務。她說平台要對車輛司機進行「盡職審查」，確保其領有許可證；亦要備存妥善記錄，向運輸署署長提交。



她續稱，運輸署會監察平台營運，並就牌照施加附加條件。若平台違反牌照條件或法定要求，署長可視乎嚴重程度施加罰款、更改或暫時吊銷牌照，甚至吊銷牌照。


她又指網約車出牌時，車齡要低於12年，並符合驗車要求；車輛要有個人名義登記，只能由登記車主提供服務。她認為人車綁定安排能吸引真正有意提供有質素網約車服務的人士加入行業，同時避免租賃或黑工等情況。


在司機方面，她指要年滿21歲、持永久性居民身份證，5年來沒嚴重交通定罪紀錄並完成相關考核。當局建議未來申請的士及網約車的人士，參與「簡化的筆試」。


新聞來源：【on.cc東網】


如想了解更多的士牌資訊，歡迎免費下載 香港的士交易所 App -「HKTEx 一站式的士買賣租賃平台」：https://app.hktexapp.com


 
 

的士車隊Amigo 7月引入地平線 涉資3500萬

的士車隊投入服務僅一個月，已爆出不少爭議，如車隊司機私下組「隊中隊」接單、網約車合法化立法建議等，令市場質疑的士車隊發展前景。雖然問題多多，但仍有人夤夜趕科場，本報發現，原由GoGoX（2246）、城市汽車等合資營運的CMG Fleet Management Limited（下稱CMG Fleet）所經營的 「Amigo」車隊，於臨近獲得政府發牌前（已於7月底獲發牌），在7月1日突向上市公司地平線（9660）旗下全資附屬「Horizon Together（下稱Horizon）」發行了3500萬港元的可換股票據，並於7月2日向Horizon 按每股約3.23元，率先配發155萬股優先股。


對於車隊臨近發牌引入新股東，本報就此經電郵向負責營運車隊的各方包括GoGoX、Amigo/CMG Fleet及地平線查詢，包括地平線投資本港車隊的原因、雙方合作契機，以及Amigo引入新投資者或股東的原因等，但截稿前未獲回覆。


運輸署：已接獲股東變更通知


運輸署則回覆本報指出，的士車隊牌照條件中訂明，持牌人如有股權變動，須事先通知運輸署長，並提供所有必要的詳細資料。就有關股東變更的事宜，CMG Fleet已於今年較早前通知運輸署長。該署又指，根據法定要求及車隊牌照的條款和條件，每支的士車隊的持牌人或其中一個股東必須擁有不少於最低車隊規模10%的車隊的士，並須向運輸署提交營運報表及經審計的年度財務報表，以確保車隊持牌人維持適當且具效率的的士車隊服務。


事實上，因牌照條件對無論車隊規模、車齡，甚至車內監控設備等都有要求，令營運商投資成本急升，但目前車隊整體規模多仍未達標，車輛及司機招募不足，發生有單無人接等問題，相信都會影響車隊持續經營問題或意向。


不過今次投資「Amigo」車隊的地平線來頭不小，公司是內地高級輔助駕駛和高階自動駕駛解決方案供應商，在2024年10月在港掛牌，上市前投資者粒粒皆星，包括上汽、高瓴、雲鋒基金、比亞迪（1211）、寧德時代（3750）等等。


地平線業務向來燒錢，上市集資54億元後，隨着年初機械人概念炒作，公司在今年6月趁高配股再籌52.17億元，而集團中期虧損52.33億元人民幣，經調整虧損淨額13.33億元人民幣


明報記者：方楚茵

新聞來源：【明報專訊】


如想了解更多的士牌資訊，歡迎免費下載 香港的士交易所 App -「HKTEx 一站式的士買賣租賃平台」：https://app.hktexapp.com

 
 
9101213
bottom of page