- 香港的士交易所 HKTEx
- 2024年10月7日
2024年(1月至9月)運輸署的士過戶數量
top of page
最新市場動態
- 香港的士交易所 HKTEx
- 2024年10月6日
已更新：2024年10月10日
大家好，我係Karina，喺現代社會入面，我哋經常會發現有啲富有嘅人選擇過住相對樸素嘅生活，好似故意隱藏佢哋嘅財富，呢種現象引發咗唔少人嘅思考：點解有錢人總係扮窮？其實呢個問題有好多方面，涉及心理、社會同經濟等多個層面。
首先，從心理學嘅角度嚟睇，有錢人往往會面對社會上嘅期望同壓力，佢哋可能會擔心外界對佢哋嘅評價，所以選擇低調嘅生活方式，以避免過多嘅注意同嫉妒，呢種心理防衛機制可以令佢哋喺社交場合中感到更加舒適，減少因為財富而產生嘅焦慮感。
其次，社會認同都起到重要作用，唔少人認為，過於奢華嘅生活方式會令佢哋同普通人疏遠，所以有錢人可能會選擇簡樸嘅衣著同生活方式，咁就可以更容易融入社會，同其他人建立良好嘅關係，呢種做法唔單止可以增強佢哋嘅社會連結，仲可以令佢哋喺商業或社交網絡之中獲得更多嘅支持同信任。
再者，從財務角度嚟講，唔少成功嘅有錢人深知節約嘅重要性，佢哋通常唔會隨便揮霍自己嘅財富，而係更加注重資產嘅增值同長期嘅財務規劃，所以即使佢哋擁有大量資金，都會選擇唔過度消費，咁先能確保佢哋嘅財富可以持續增長，呢種對財務嘅謹慎態度令佢哋睇落好似「扮窮」。
除此之外，文化背景都可能影響有錢人嘅生活方式，喺某啲文化入面，奢華同炫耀財富被視為低俗嘅行為，反而簡樸生活同謙虛會受到讚揚，所以呢啲有錢人會選擇遵循呢啲文化價值觀，避免展現自己嘅財富，以符合社會嘅道德標準。
最後，唔少有錢人選擇「扮窮」都係因為佢哋將重心放喺投資同創造價值上，佢哋更關心嘅係點樣利用自己嘅資源嚟創造新嘅商機，而唔係單純享受現有嘅財富，呢種長期嘅思維方式令佢哋更加願意將資金投入到創新、企業或者其他能夠帶嚟增值嘅項目中，而唔係喺消費上。
總括嚟講，有錢人選擇「扮窮」呢個現象其實係多方面原因共同作用嘅結果，從心理因素到社會認同，再到文化影響同財務智慧，呢啲都促使佢哋喺生活中保持低調，呢個唔單止係出於謹慎同智慧嘅考量，仲係一種適應社會環境嘅策略，理解呢個現象，令我哋可以更好咁看待財富同生活之間嘅關係，並重新思考咩先係真正嘅成功同幸福。
唔知你對以上嘅內容又有啲咩睇法？歡迎留言，我哋下集見。
Karina
香港的士交易所 HKTEx 主播
2024年10月7日
P.S.：詳細短片版本請於YouTube上收看：https://youtu.be/gfbESm4HuvA
- 香港的士交易所 HKTEx
- 2024年10月1日
大家好，我係Olivia，最近呢幾個月，有關的士嘅話題可以話係源源不絕，例如規管網約車平台、的士加價、的士車隊牌照同埋的士司機違例記分制等等，每個話題都引發起坊間熱烈討論，咁到底的士牌價喺咁嘅情況又會點走呢？我哋就趁住啱啱踏入第四季，同大家睇吓的士牌價喺2024年頭三季嘅表現，我哋今集就會同大家睇一睇有關嘅數據，無論你係車主又或者係準買家，都希望你可以藉住呢條片掌握到最新嘅市況，如果未訂閱我哋頻道嘅朋友，記得訂閱，多謝支持。
我哋可以先睇一睇今年2024年頭三季嘅的士牌價走勢圖表，我哋睇到整體嘅情況都唔係咁樂觀，我哋就以市區的士牌價為例，由年頭357萬下跌至9月尾287萬，下跌咗70萬，跌幅接近兩成，大約下跌咗19.6%，至於新界的士牌價都同樣下跌，由年頭293萬下跌至9月尾217萬，下跌咗76萬，跌幅係比起市區的士牌價更大，係跌超過兩成半，跌咗大約25.9%，我哋再睇吓過往十年的士牌價嘅走勢表現，同樣係非常悲觀，以市區的士牌價為例，由2015年年中最高峰723萬，跌到去今年2024年7月嘅十年低位273萬，跌咗450萬，足足跌超過六成，跌咗大約62.2%。
不過如果我哋只係集中睇返今年2024年第三季嘅表現，你就會發現其實的士牌價係有回穩嘅跡象，我哋就以市區的士牌價為例，由7月頭273萬，之後幾個月上落格局去到9月尾287萬，3個月內微升咗14萬，大約升咗5.1%，其實呢幾個月當中都有唔少關於的士嘅新政策出台，先有7月中的士正式加價，市區的士嘅起錶價加咗HK$2，由原本HK$27加到HK$29，加價長遠係有助提升的士司機嘅收入，亦都長遠有助提升的士牌嘅投資價值，另外，政府喺7月尾就發出咗5個的士車隊牌照，並且預計會喺一年內正式投入服務，的士車隊會提供網約平台、電子支付系統以及司機培訓等等，長遠有助提升的士服務質素及形象，另外同樣都係為咗提升的士服務質素嘅新政策喺9月份推出，就係的士司機違例記分制已經喺9月22號正式生效，如果的士司機作出濫收車資、拒載又或者兜路嘅種種行為就會被記分，如果司機兩年內被記滿15分就會被停牌。
以上嘅唔同政策都係有助的士行業可以健康發展，長遠亦都有助提升的士牌嘅投資價值，但係點解的士牌價喺第三季又冇明顯嘅升勢？我估最主要嘅原因在於網約白牌車嘅問題未得以解決，原本大家預期7月份政府會推出規管網約車平台嘅政策，雖然大家都唔知最終嘅政策會唔會俾網約白牌車合法化，但大家都好想政府有個明確嘅法例指引，等市民都可以清楚邊啲為之合法，邊啲為之非法，可惜當局喺7月頭發表嘅規管網約車平台研究佈告當中，未有實際嘅法例政策推出，表明需要更多嘅時間去研究，預計要去到2025年先會定出立法嘅建議內容，所以呢方面就令到的士牌嘅價值仍然存在不確定性，導致牌價未有大幅回升嘅主要原因。
不過如果要講到最近最值得大家留意嘅消息就係，喺啱啱嘅9月中，美國聯儲局宣布大幅減息0.5厘，係四年幾以嚟第一次減息，亦都意味住減息周期正式來臨，其後香港嘅匯豐銀行亦都將佢哋嘅最優惠利率減低0.25厘，減息會令到的士嘅按揭貸款成本降低，令車主嘅供款壓力減低，另外，減息亦都會令市場上嘅資金去尋找更高回報嘅資產，相信以的士牌現時有大約8厘嘅租金年回報，亦都係一個唔錯嘅選擇之一，大家可以密切留意的士牌價嘅發展，一有最新消息我哋會第一時間同大家報導。
唔知你對的士牌嘅前景又有啲咩睇法？歡迎留言，如果想了解更多最新嘅的士牌資訊，歡迎下載我哋嘅App「HKTEx 一站式的士買賣租賃平台」，密切留意我哋香港的士交易所，我哋下集見。
Olivia
香港的士交易所 HKTEx 主播
2024年10月1日
P.S.：詳細短片版本請於YouTube上收看：https://youtu.be/47nSx_ejnJY
bottom of page