top of page

最新市場動態

的士牌市場資訊【市區的士按揭例子】2023年6月


大家好，歡迎收睇「的士牌市場資訊」，我係Mia，我哋香港的士交易所每星期都會同大家分享有關的士牌買賣嘅最新市場資訊，未訂閱我哋頻道嘅朋友，記得訂閱，多謝支持。


咁今日就同大家睇一睇最新嘅的士按揭資訊，了解一下如果購買一個市區的士牌連一架全新混能的士，到底首期係幾多，月供幾多錢，收租回報又係幾多。


我哋睇一睇以下呢個例子，我哋假設經買賣雙方議價之後，市區的士嘅成交牌價係411萬，而一架全新混能市區的士嘅車價係41萬全包，包首年全保保險同埋包首年牌費，另外車Cam咪錶都包晒，即係一架已經可以即時開工嘅的士。咁佢嘅成交價就係411萬加41萬，即係452萬。


我哋再以現時銀行提供嘅按揭貸款計劃嚟做計算，以全新市區混能的士為例，銀行按揭貸款金額最高大約可以借到370萬，計返嘅話，大約係成交價嘅8成。咁以首期嚟講，以呢個例子嚟計算，就大約只需要82萬。


至於呢個按揭例子係做緊H按，個按揭利率係H加2.3，封頂位係P減1，而今日6月29號，銀行嘅一個月同業拆息H係4.9375%，最優惠利率P係6%，因為以呢個例子睇，H加2.3係已經觸及到封頂位，所以就會以P減1嚟做計算，按揭利率即係5厘。按揭年期最高可以做到三十年，360期，經過計算之後，月供就大約係19800蚊，如果車主係將架車交俾我哋管理嘅話，我哋香港的士交易所提供全新市區混能的士嘅每月託管保證租金係21400蚊，當中已經包晒所有日常基本維修保養，即係包括晒換呔、換偈油、換擋風玻璃等等。


我哋最後再同大家計埋個租金年回報，以成個資產價值452萬嚟計，佢個租金年回報大約有5.7厘。


最後都要補充一句，要提提大家，記住的士牌價，同埋銀行按揭利率，每日都有機會唔同，我哋提供以上呢個例子，都盡量反映返最新嘅資訊。如果當你打算想購買的士牌嘅時候，記得聯絡我哋香港的士交易所嘅代理，了解返最新嘅的士牌價同埋銀行按揭利率資訊。


咁今集就同大家講到呢一度，下星期繼續同大家分享有關的士牌買賣嘅最新市場資訊，密切留意我哋香港的士交易所，我哋下集見！


Mia

香港的士交易所 HKTEx 主播

2023年6月29日

P.S.：短片版本請於YouTube上收看：https://youtu.be/immm1hUva-c



 
 

的士新聞資訊【的士團體請願 提出加價及保費訴求】


大家好，我係A.I.Mia，今日同大家睇睇一單有關的士嘅新聞。


的士保險嘅龍頭公司泰加保險早前被接管之後，的士保險費用持續上升，影響的士業界嘅經營，喺日前6月26號，有的士團體發起請願行動，一共駕駛咗7架的士，去到西九龍政府合署，並且喺的士車身張貼咗請願標語，對政府提出兩大嘅訴求，包括要求政府承擔的士嘅保險，以及「先批准後審議」的士咪錶加價嘅申請。


的士小巴商總會理事長周國強指出，自從泰加保險事件發生之後，的士保險費用就持續增加，以前一般嘅全保保險費用大約3萬2千蚊，但而家就大幅調升到5萬2千蚊以上，單係計算保險每日嘅經營成本就已經高達160蚊，對的士業界打擊非常沉重，再加上上年11月向政府提出加價申請之後，至今相關部門仍然「不為所動」，令今時今日的士業嘅經營相當困難，周國強又指出，批評運輸署有關官員失職，唔單只未有積極咁協助的士業界嘅保險同埋加價嘅事，亦都未有積極咁規管同打擊「白牌車」嘅活動，業界多次向有關嘅部門反映亦都得唔到回應，所以就發起今次嘅行動，促請有關嘅部門正視的士業界嘅訴求。

今次行動一共有7架的士參與，車輛停泊喺西九龍政府合署外面請願，的士團體喺車身上面貼滿標語表達訴求，周國強指出，今次行動希望政府可以喺三個星期內回覆，如果當局仍然係唔回應嘅話，的士團體會將行動升級，包括考慮直接向特首表達訴求，希望有關部門正視的士業界嘅苦況，體恤情況並且加以協助。


咁今集就同大家講到呢一度，歡迎留言分享你嘅睇法，我哋下集見！


Mia

人工智能主播

香港的士交易所 HKTEx


2023年6月26日

P.S.：短片版本請於YouTube上收看：https://youtu.be/Im1Q9aeo9ao



 
 

的士牌市場資訊【乘客人次趨勢持續上升】2023年6月｜AI女主播｜廣東話｜出行數字｜公共交通｜的士生意回升｜全面通關｜復活節長假期｜五一黃金周｜的士牌投資價值


大家好，歡迎收睇「的士牌市場資訊」，我係A.I.Olivia，我哋香港的士交易所每星期都會同大家分享有關的士牌買賣嘅最新市場資訊，未訂閱我哋頻道嘅朋友，記得訂閱，多謝支持。


咁今日會同大家睇吓有關乘客人次趨勢嘅統計數字，由運輸署官方最新公佈嘅圖表，平均每日公共交通乘客人次趨勢，我哋先睇一睇呢個圖表，圖表上嘅數據最新係顯示到2023年嘅3月份，至於4月份同埋5月份嘅數據係未顯示出嚟，呢點大家要留意。


喺呢個圖表我哋可以見得到，由上年年尾至今年年頭期間，公共交通乘客人次趨勢都有所急升，3月份嘅平均每日乘客人次已經回升到接近1200萬嘅水平，而3月份呢個月正正就係回復全面通關嘅時間，但值得留意嘅係，數據上係仲未反映4月份復活節長假期嘅情況，同埋五一黃金周嘅情況，相信乘客人次數字都會進一步上升，有望回復到社會運動同埋疫情前平均每日1300萬人次嘅水平。


正如我喺之前嘅片都有講過，點解我哋要留意呢啲統計數字呢？其實最核心影響到的士牌嘅投資價值，正正就係的士生意嘅情況，而公共交通乘客人次趨勢就係反映緊市面上市民出行嘅情況，呢個間接亦都反映緊的士生意嘅情況，所以都好值得我哋參考。


咁今集就同大家講到呢一度，下星期繼續同大家分享有關的士牌買賣嘅最新市場資訊，密切留意我哋香港的士交易所，我哋下集見！


Olivia

人工智能主播

香港的士交易所 HKTEx


2023年6月21日

P.S.：短片版本請於YouTube上收看：https://youtu.be/uS4GCjAEr7o



 
 
36373940
bottom of page